甜入心 (好運中心) (Closed)

端午節去城門河睇完爬龍舟，順便沙田半日遊。大熱天時行到攰攰地，見到有間甜品店，即入歇一歇。店舖裝修唔錯喎，全店都係粉紅色仲有D 人造樹裝飾一下。座位闊落冷氣足，雖然位處繁忙的馬路邊，但都令人覺得好舒服好 calm 。餐牌選擇多，有窩夫類、沙冰類、椰皇類同傳統中式糖水類。我地不約而同都俾佢既招牌椰皇甜品吸引了。我食的榴槤飄香椰皇子 $56， 平時一個榴槤唔會食得曬，口痕的話最好都係去甜品舖食。上層榴槤是比較爽身淡味，估計是金枕頭。份量不少，足夠過口癮。佢仲有D粒粒西米，係脆脆的，好有咬口。配合椰汁味沙冰，夠凍又可口。下層係用椰青水造成的果凍，好清甜。食到最後，椰肉都是鮮嫰的，可以食埋，好滿足。一個甜品可以做到咁多不同口感，算好成功喎！朋友叫的鮮果鮮奶椰皇子 $45，結構其實同榴槤椰皇子一樣，只係面層嘅榴槤換咗做鮮雜果，再加上透明喱哩粒粒。但顏色就鮮艷好多啦，你睇幾吸引 ！ 佢食完都話 good 。而另一位人兄就話好熱要飲D消暑飲品，佢㨂左益力多沙冰$28。佢話好似飲緊好多枝益力多咁，大滿足！佢仲有個自助corner，可以免費斟水果茶。水果茶雖然淡淡地，但食完甜品用來清一清都唔錯。呢間甜品