Häagen-Dazs

Open Now

Now Closed

前排公司抽中一張$50的現金券，一直放著忘了用，近排執野搵返出來發覺就快到期，見今日會出來旺角，便順便到新世紀廣場食杯雪糕。食米唔知米貴，原來雪糕窩夫筒已加到$52一球，是日便點個單球試試。要了藍莓雪糕、奇異果、朱古力醬、杏仁碎，賣相靚靚，打卡呃like一流雪糕好滑，少少藍莓味酸酸地咁，奇異果片三個半塊，非常酸，哈哈，就係覺得雪糕加朱古力醬會好甜所以要返個酸嘅水果，咁嘅配撘都幾好味。窩夫筒幾脆，有蛋香，係好食嘅。總括黎講成50蚊杯雪糕係貴嘅，間中一次半次獎勵下自己ok啦。餐牌好多選擇，想食個華麗啲款嘅，不過無位坐，行住食都係甜筒方便。