龍鳳冰室 (Closed)

今日孤獨一人去食一個孤獨的午餐，自己一個行下行下見到龍鳳冰室，之前都有食過覺得幾好味，所以今日就去排隊食。雖然好多人等位，但係一個人等位唔需要等太耐就可以入座，入到去揀下揀下最終都係揀咗食雞髀蛋飯。隻炒蛋同之前一樣都係咁滑，啲汁都係咁好味，甜甜地咁，分量都算唔錯。但係今次最失望嘅就係嗰隻雞髀，隻雞髀乾到好似柴咁樣，食落去完全硬蹦蹦，乾爭爭，最終隻雞髀我只食咗三分一之後就唔食啦。飲品都係飲杯凍奶茶少甜，冇乜特別。但係今次食完之後覺得有啲失望，相信要一段時間之後先至會再食呢間龍鳳！