牛一 (始創中心) (Moved) New Location

系星期四午市期間去嘅，到左之後話冷氣壞左叫我地等，等左半個鐘啦，因為附近亦無我地想食嘅嘢。選擇左128嗰個，有牛有豬有雞。放食物個廳咁大，但絕大部分係菜，無乜肉。本人比較偏愛有籽嘅肉丸，魚包蝦魚包蛋個D，但系呢度乜都無，淨係有一D實心嘅肉丸。同埋本人最喜歡炸魚皮，問左先知係要晚市先有（我認為午晚市食物有什麼分別應該要列明嘅）D雞有種奇怪嘅味道，無辦法食。牛同豬OK啦，是一般水準。試左白蒜雞湯底，都幾好味，同埋個乳酪雪糕帶點酸味，唔會膩。除左雪糕同湯底，其他都唔可以算好滿意