Video
Read full review
2009-04-04
9 views
雖然周不時經過呢間舖，但就從來都未入過去，前日經過，剛剛朋友就話餓，就入左去。明明見到門口個大餐牌寫住「$26包一杯汽水或甜品」，點知入左去點野食時先聽到個職員話：「冇左甜品好耐啦~」跟住我好想講「咁你又唔更正番個餐牌?」不過朋友見我想講野之際就按住我，我地都叫左生牛肉湯粉，不過我叫河粉，朋友叫金邊粉，我要熱奶茶，要另加3蚊架，朋友叫可樂就唔駛加錢。個職員行開後，朋友話頭先睇我個樣就知我想鬧人，所以按住唔俾我講落去，因為佢驚我地叫0既野會「加料」，哈哈……我杯奶茶黎先，嘩~好多奶呀﹗我唔係咁鍾意，不過朋友叫我唔好換，又係同一個原因啦跟住冇幾耐我地0既牛肉湯粉就黎，雖然個碗幾大，但只係見到4塊牛肉，好似有d小器，好彩餓0既唔係我，我俾左一半朋友食，味道都還可以，但真係唔係咁值下午茶都要26蚊呢個價，我仲要29蚊添
明明見到門口個大餐牌寫住「$26包一杯汽水或甜品」，點知入左去點野食時先聽到個職員話：「冇左甜品好耐啦~」跟住我好想講「咁你又唔更正番個餐牌?」不過朋友見我想講野之際就按住我，我地都叫左生牛肉湯粉，不過我叫河粉，朋友叫金邊粉，我要熱奶茶，要另加3蚊架，朋友叫可樂就唔駛加錢。
個職員行開後，朋友話頭先睇我個樣就知我想鬧人，所以按住唔俾我講落去，因為佢驚我地叫0既野會「加料」，哈哈……
我杯奶茶黎先，嘩~好多奶呀﹗我唔係咁鍾意，不過朋友叫我唔好換，又係同一個原因啦
跟住冇幾耐我地0既牛肉湯粉就黎，雖然個碗幾大，但只係見到4塊牛肉，好似有d小器，好彩餓0既唔係我，我俾左一半朋友食，味道都還可以，但真係唔係咁值下午茶都要26蚊呢個價，我仲要29蚊添
Post
