Video
Read full review
2009-08-04
1306 views
又係有人上黎派leaflet先知有呢間野, 見近近地就同同事去試下係斜路上面細細間, 一入去就覺得好古色古香, 而且座位之間好寬敞, 總算有個好印象 餐牌選擇甚多, 分別叫左3樣...紅油抄手配米線 (佢話係招牌菜)約有7-8粒, 都算幾大粒既試左一啖, 醋咪幾夠, 不過唔夠辣唔夠熱, 有少少失望 不過同事就話米線d湯唔錯, 幾好味鴨胸肉配飯鴨胸肉約20片, 薄薄地, 數量多但唔會太飽, 剛好不過同樣都唔夠熱... 豬頸肉配飯豬頸肉十幾塊, 煎過幾香口, 配左個汁, 好得意, 好似蜜糖+蒜+檸檬汁咁...甜甜酸酸襯得幾好! 可惜...同樣唔夠熱... 唯一一樣野熱得剛好既就係每人都有一碟既炒菜!好清既菜, 一d油都無, 同事食慣濃味就會問佢拎蠔油, 我就覺得ok~最後仲有個甜品 - 茉莉花茶糕點其實好似桂花糕, 不過變左茉莉花茶, 入面再加左d西柚粒同事覺得苦苦地好怪, 不過因為佢唔係加好多西柚粒, 所以我就覺得同甜甜地既糕點配搭剛好不過呢...真係食唔到茉莉花味囉....呢間叫Tea House, 但奉上既茶就無咩特別我地見佢檯面有個鐵盤, 掀起下面有個好似煲水既野, 估計係成壺茶放
係斜路上面細細間, 一入去就覺得好古色古香, 而且座位之間好寬敞, 總算有個好印象
餐牌選擇甚多, 分別叫左3樣...
紅油抄手配米線 (佢話係招牌菜)
約有7-8粒, 都算幾大粒既
試左一啖, 醋咪幾夠, 不過唔夠辣唔夠熱, 有少少失望
不過同事就話米線d湯唔錯, 幾好味
鴨胸肉配飯
鴨胸肉約20片, 薄薄地, 數量多但唔會太飽, 剛好
不過同樣都唔夠熱...
豬頸肉配飯
豬頸肉十幾塊, 煎過幾香口, 配左個汁, 好得意, 好似蜜糖+蒜+檸檬汁咁...甜甜酸酸襯得幾好!
可惜...同樣唔夠熱...
唯一一樣野熱得剛好既就係每人都有一碟既炒菜!
好清既菜, 一d油都無, 同事食慣濃味就會問佢拎蠔油, 我就覺得ok~
最後仲有個甜品 - 茉莉花茶糕點
其實好似桂花糕, 不過變左茉莉花茶, 入面再加左d西柚粒
同事覺得苦苦地好怪, 不過因為佢唔係加好多西柚粒, 所以我就覺得同甜甜地既糕點配搭剛好
不過呢...真係食唔到茉莉花味囉....
呢間叫Tea House, 但奉上既茶就無咩特別
我地見佢檯面有個鐵盤, 掀起下面有個好似煲水既野, 估計係成壺茶放係檯面, 俾客人熱住既
應該都得意, 不過lunch hour可能無得咁試吧...
但因為全部份量唔算多, 而且唔夠熱, 真係失望左, 所以埋單個陣就覺得貴喇...
不過環境幾靜, 如果身邊坐既客人唔大聲講野, 真係幾舒服既
(我地坐坐下就有一檯4人入黎, 講野大大聲, 就真係唔多感受到舒服既感覺 = =")
服務就唔錯, 仲會介紹邊d係招牌菜~
Post
