泰象苑 (Closed)

放工搵個fd近近地搵個地方食個飯吹下水，就搵左呢間係太子既泰象苑～鋪頭唔大裝修普普通通，但老細幾親切， 主動介紹邊d菜特別做得好同有得色～最後點左兩樣老細介紹既餸加個冬陰公。個冬陰公足料，二人份量有兩隻大蝦，好濃味，真係好濃味，比較岩鐘意重口味冬陰公既朋友～呢個海鮮咖哩農夫包，份量夠晒大，兩個人差d食唔晒，料都足的， 有蝦有尤魚有蟹柳～係個咖哩稍嫌淡左少少，唔夠辣，整體上ok的最有驚喜最推介係呢個～叫泰式黃金脆魚，佢係成條魚起肉再炸，砌番個魚型，淋泰式酸辣醬。個餸其實幾中式，不過好食就得啦，佢個魚係炸得好脆，又乾身，加上酸辣醬汁好惹味～呢間泰國野唔貴，又唔會趕人走，平時出街普通食餐便飯係個唔錯選擇