Video
Read full review
2016-08-21
2825 views
今日約左朋友出黎旺角Shopping, 食飯。由於2個都鐘意都鐘意發掘新餐廳，試新野，所以今日就揀左呢間遠離主要街道既樓上餐廳。餐廳俾我既感覺有少少似cafe，仲有2部飛鏢機放左係餐廳，不過今晚好似就唔見有人玩。餐廳既面積都唔細，出面仲有個露台，需要食煙既朋友就可以出去外面。我地見到有個尊貴2人餐既Menu，只係 $388，就可以揀3款頭盤，2款主菜，仲包餐湯、沙律、甜品同餐飲。不過餐飲就只包 $25既，多過 $25就要補差價LA。頭盤我地揀左青蘋果鵝肝多士 / 煙三文魚胡麻蘆筍卷 / 蒜香牛油帆立貝。先黎既係青蘋果鵝肝多士。鵝肝多士就食得多，配埋青蘋果既都係第一次，又幾特別WOR，青蘋果可以抵消左部份鵝肝既油膩感，但係又唔會破壞左鵝肝本身既香味。大大件厚切鵝肝，兩面微微煎過，下面係脆身多士，吸哂鵝肝多餘既油份，作為頭盤，簡直係最明智既選揀。跟住係煙三文魚胡麻蘆筍卷，用煙三文魚包住爽脆既露筍，配埋日式胡麻沙律醬，好清新。蒜香牛油帆立貝好大隻，2邊都有煎過，不過就無咩牛油白味，但係帶子夠哂彈牙，搭救返。是日餐湯係磨菇湯。磨菇味好濃，亦都食到磨菇茸，算係唔錯。另外，穩陣既拍檔 - 沙律菜配
餐廳俾我既感覺有少少似cafe，仲有2部飛鏢機放左係餐廳，不過今晚好似就唔見有人玩。
餐廳既面積都唔細，出面仲有個露台，需要食煙既朋友就可以出去外面。
我地見到有個尊貴2人餐既Menu，只係 $388，就可以揀3款頭盤，2款主菜，仲包餐湯、沙律、甜品同餐飲。
不過餐飲就只包 $25既，多過 $25就要補差價LA。
頭盤我地揀左青蘋果鵝肝多士 / 煙三文魚胡麻蘆筍卷 / 蒜香牛油帆立貝。先黎既係青蘋果鵝肝多士。鵝肝多士就食得多，配埋青蘋果既都係第一次，又幾特別WOR，青蘋果可以抵消左部份鵝肝既油膩感，但係又唔會破壞左鵝肝本身既香味。大大件厚切鵝肝，兩面微微煎過，下面係脆身多士，吸哂鵝肝多餘既油份，作為頭盤，簡直係最明智既選揀。
跟住係煙三文魚胡麻蘆筍卷，用煙三文魚包住爽脆既露筍，配埋日式胡麻沙律醬，好清新。
蒜香牛油帆立貝好大隻，2邊都有煎過，不過就無咩牛油白味，但係帶子夠哂彈牙，搭救返。
是日餐湯係磨菇湯。磨菇味好濃，亦都食到磨菇茸，算係唔錯。另外，穩陣既拍檔 - 沙律菜配日式芝麻醬，味道唔差。
終於到主菜之一 - 安格斯肉眼扒。大大塊牛扒，加配2球著蓉。點左5成熟，不過切開略厭牛扒有D過熟，所以中間D肉既口感有D "鞋"口。不過牛扒既2邊肉質其實係好嫩，好好味。如果連間都KEEP到嫩口就好 ><反而個著蓉好好味，一啖不漏地食哂，哈哈。
另外點左鵝肝意大利飯，為左鵝肝而叫。唔知個飯係唔係用左鵝肝油去炒，定係鵝肝d油滲左落d意大利飯到，所以d飯都有陣陣既鵝肝味，正 XD
跟餐甜品係木糠布甸，就算幾飽都好，甜品一定會開動我第2個胃，整得唔錯，真係一層一層分開，味道亦夠香濃。
另外，即場成為會員仲可以享受會員優惠，可以有套餐9折，正價餐牌會有85折，仲有其他優惠，而且參加既方法好簡單，即場join都可以有呢個優惠，有筍野點可以放過，即join
Post
