Fish & Chick Plus (Closed)

對上一次吃fish and chip在愛爾蘭，念念不忘那間炸魚薯條店，店內有多達10款魚給你選擇，香港吃的炸魚，都是店主設定，我真係唔想出街吃一些不知名的魚柳，例如鯰魚柳是我最怕的。前一天用OpenRice訂位，午餐訂座時間13:30前有95折，所以book了13:30, 平日呢個時間當然多人，好彩有book位，去到有一張吉枱。午餐menu 都有幾多選擇，例如雞、意粉及煎魚，今天為炸魚而來，所以二人都叫了一個炸魚薯條。前菜：香烤芝士大啡菇車厘子，賣相不錯，可以加多啲芝士會好味啲。前菜：煙三文魚沙律配蜜糖刁水汁，汁帶少少甜幾好味。紐西蘭藍鱈魚薯條，呢個比較滑身，冇咁腥，但就欠缺咗啲魚味，外面個皮炸得好香，水準之作。本地新鮮鱸魚薯條，呢個比較腥但好有魚味，同樣好吃。服務員殷勤招待又有禮貌，雖然地方坐位一般，但食物、價錢及服務質素也值回票價。一人份量真係食唔晒，剩低半碟薯條，想食埋都無能為力。