Video
Read full review
2018-10-26
474 views
我本身係個成日食粥既人，會周圍試唔同粥店。雖然粥唔係高級食物，但要整得好食，質感綿密，入口唔淡唔味精卻不容易揾到（因為大多粥店無咁多心思，用咁足料去煮靚粥）。呢次路過就試下深水埗呢間新開小店。點左必食油器 - 油炸鬼，同魚腩粥。油炸鬼（$10）先上，咬第一啖立即兩眼發光，我第一次食咁脆口既油炸鬼。係咬落有"索"，"索"聲既質感! 入面煙煙韌軔，好食! 魚腩粥（$29）熱辣辣出黎，用砂鍋上，份量大。粥底做得好好，好綿，食落唔係味精味但好夠味。一般出面食魚腩粥都會跟薑䓤豉油，但呢度無，我亦無問，因為就咁食都已經夠味。魚腩夠多，圖入面既size有5舊! 29蚊有大咁碗，咁多魚腩既粥真係抵食! 總結：我成日覺得新開食店一定要有heart。 如果食物質素唔好，煮野又唔好味，一心諗住求求其其開間野實有人黎食既話，果啲店一定好快執。做飲食唔容易，有心開得鋪，又可以堅守食物質素，比最好既食客，呢啲食店值得嘉許。今次同枱見對面食客叫豬潤腸，啲豬潤又大又肥美，下次一定要試下!
呢次路過就試下深水埗呢間新開小店。
點左必食油器 - 油炸鬼，同魚腩粥。油炸鬼（$10）先上，咬第一啖立即兩眼發光，我第一次食咁脆口既油炸鬼。係咬落有"索"，"索"聲既質感! 入面煙煙韌軔，好食!
魚腩粥（$29）熱辣辣出黎，用砂鍋上，份量大。粥底做得好好，好綿，食落唔係味精味但好夠味。一般出面食魚腩粥都會跟薑䓤豉油，但呢度無，我亦無問，因為就咁食都已經夠味。魚腩夠多，圖入面既size有5舊! 29蚊有大咁碗，咁多魚腩既粥真係抵食!
總結：我成日覺得新開食店一定要有heart。 如果食物質素唔好，煮野又唔好味，一心諗住求求其其開間野實有人黎食既話，果啲店一定好快執。做飲食唔容易，有心開得鋪，又可以堅守食物質素，比最好既食客，呢啲食店值得嘉許。
今次同枱見對面食客叫豬潤腸，啲豬潤又大又肥美，下次一定要試下!
$39
23 views
0 likes
0 comments
Post
