高木炭火鳥燒 (Closed)

happy friday,放左工同個幾耐冇見嘅朋友聚一聚。今日晏就team lunch食得太飽，所以suggest黎呢間串燒店，一串串可以慢慢食傾下計。我間唔中都會黎架，朋友就第一次。各式各樣酒類供選擇，有兩大版！！兩個女仔，先叫左個梅子酒飲番杯先！店員好好間唔中見我地杯中嘅冰冇咁七七八八會主動問我地洗唔洗加冰。燒露筍，清清甜甜to start with!七味粉燒豬頸肉,個面有啲鬆脆，肉爽！燒明太子雞翼，有兩隻，脹卜卜！好味😍燒牛舌，厚切版，好香，加少少黑椒調味，簡單但燒得剛好！支持這小小的有心居酒屋！