糖蓮子 (Closed)

下午茶時間，想食少少嘢，諗起這間甜品店，專程來品嚐！平日下午，可以舒舒服服、優優閒閒，唔使同人迫，食吓甜品，真係一大享受！Bailey雪糕紅豆冰，原本打算將雲呢拿雪糕轉其他口味，但老板話溝入冧酒，雲呢拿雪糕先至夾，當然要相信專業意見！味道確實好夾！這款係「紅綠燈」，其實餐牌上各式各樣嘅甜品都有唔同嘅名稱，睇完個名未必估到係咩！但足以見到老闆嘅心思！啲名稱都好有趣！價錢好合理，支持小店，經過可以來試試啊！