Video
Read full review
2019-05-30
958 views
買左Ruby Tuesday嘅member card，有兩年全單半價，所以我成日都會黎食下飯。最鍾意食佢個salad bar，好似以前細個pizzahut咁俾一隻碟睇你功力睇下筆得幾高幾多，但今日眼見太多人，salad bar refill得一定好慢所以就skip左唔食salad。叫左兩個main ，一個entrée同一個甜品。Fiesta Shrimp係侍應介紹嘅5月Speical menu，$48一客有4隻大蝦，配蕃茄青瓜醬汁。味道微辣，大蝦爽口彈牙，成個感覺好清新。$48好抵，見每檯都有點，係幾吸引嘅。之後到嘅係每次必點嘅Triple Play，當中有炸雞柳、炸蝦同埋半份Ribs，伴菜揀左薯蓉。炸雞柳、炸蝦用嘅炸粉相同，食落口唔係脆嘅口感，但可能係佢嘅醃料醃得太香，唔知點解就係有種你想一直食落去嘅衝動， 而個Ribs更係ruby Tuesday出名之作，濃厚嘅BBQ味，而Ribs嘅肉係唔需要廢勁去整出黎，好容易食，所以呢個main係我嘅最愛。薯蓉口感綿密，但略嫌牛油味太重。Chicken and mushroom alfredo材料簡單，就係雞肉、蘑菇同意粉再加d芝士碎係面，醬汁
叫左兩個main ，一個entrée同一個甜品。Fiesta Shrimp係侍應介紹嘅5月Speical menu，$48一客有4隻大蝦，配蕃茄青瓜醬汁。味道微辣，大蝦爽口彈牙，成個感覺好清新。$48好抵，見每檯都有點，係幾吸引嘅。
之後到嘅係每次必點嘅Triple Play，當中有炸雞柳、炸蝦同埋半份Ribs，伴菜揀左薯蓉。炸雞柳、炸蝦用嘅炸粉相同，食落口唔係脆嘅口感，但可能係佢嘅醃料醃得太香，唔知點解就係有種你想一直食落去嘅衝動， 而個Ribs更係ruby Tuesday出名之作，濃厚嘅BBQ味，而Ribs嘅肉係唔需要廢勁去整出黎，好容易食，所以呢個main係我嘅最愛。薯蓉口感綿密，但略嫌牛油味太重。
Chicken and mushroom alfredo材料簡單，就係雞肉、蘑菇同意粉再加d芝士碎係面，醬汁唔算太多，但炒得均勻，三者比例恰當。
最後甜品點左New York cheese cake，好大件好高身，一定要share食先得，Cheese cake質感厚實有份量，blueberry醬帶來點點酸甜味，餅底亦唔容易鬆散，絕對係A grade嘅甜品。
Post
