Yoppi (Closed)

話說呢間Froyo店比crumbs更加近我，而且見佢成日都幾多人排隊，是日食完lunch又黎買杯試下。大概 4 點幾 5 點都幾多人排隊，而且佢入面得一個人手係度"吱" yogurt，另一個加就加toppings，所以都要等得幾耐下，排隊加等食物都差唔多15分鐘。是日味道一係原味一係荔枝味，我呢d穩陣派當然選擇原味啦，toppings看似有好多選擇，不過有成 1/3 至一半都係sold out，即係可以選擇既唔多。最後我就要左原味 + 荔枝肉，3隻size 要左mini size。對我黎講mini size已經夠哂，$18 都幾平，不過食落我就麻麻地鍾意。一樣夠凍，酸度都ok，無咩奶味的。不過我覺得佢質感好似實左D，唔太滑呢~ 而且D荔枝肉係罐頭貨？勁甜好似浸左落D糖水度咁... 嗯... 麻麻地。呢間個人覺得一般，未必會再試，原來有另一間熊貓Froyo新開又係好近我，下次又試下先。