第三站

麥花臣踢完波， 上咗對面金雞廣場嘅cafe醫肚兼休息下。 日頭自然光充足夠曬光猛。Pepe上面有個掣， 侍應隨傳隨到。餐牌以簡單西餐為主。海鮮拼盤包含魚手指、炸蝦、炸蟹鉗、炸帶子、魷魚圈，雖然係可以喺超市買到嘅急凍貨，但係新鮮滾熱辣炸起，絕不馬虎。雞翼焗得好香，皮帶少少焦香，咬開肉汁豐富，配埋蜜糖有BBQ風味。蟹肉都幾多，同忌廉好夾，連埋黃椒食唔會膩，意粉軟硬適中。黑松露味剛剛好，唔會太搶，帶子細細粒，雖然唔係刺身級，但冇雪味又唔韌，飯都算煙韌，冇煮過火。特濃朱古力真係濃過茶記，但甜左少少。咖啡同朱古力比例剛剛好，冇蓋過對方，但都係甜左啲。