啡寮 (Closed)

同屋企人去長洲 除咗踩單車去下沙灘之外就梗係要睇吓有乜好嘢食啦 呢間咖啡店之前見到有介紹過 好似好特別咁 所以今次去到就試下係碼頭行過去大概10分鐘到 近門口位已經掛滿冰滴緊既咖啡 店內坐既位置唔多 不過好彩都有高櫈位可以坐下呢度出名既係用冰滴既方法慢慢制作咖啡 令到咖啡味香濃但唔酸〰️椰皇冰滴咖啡〰️淨係睇個樣都覺得好特別 用個椰皇當杯咁黎裝住咖啡 呢杯就係用冰滴既方法去整成 可能我唔係好識飲咖啡 飲唔出冰滴同唔係冰滴既分別 不過佢真係有椰皇味架 椰皇既清甜中和左少少咖啡本身既苦澀味 苦中再甜 感覺新鮮〰️氮氣蜂蜜冰滴咖啡〰️ 左邊個杯個樣有少少似小麥啤酒 餐牌上介紹呢個口感似啤酒 個味真係有啲似啤酒 如果唔講真係以為飲緊啤酒 不過冇啤酒咁苦 可能係因為個表面有蜂蜜 所以唔苦 〰️海鹽朱古力 〰️通常平時出面飲既海鹽朱古力既海鹽味都只係頭個幾啖有 但係呢度既海鹽味係我飲到最底都覺得有既