Mee...lemongrass (彩園廣場) (Closed)

同朋友約埋一齊食飯，由於朋友住上水，咁我補完習都差唔多時間，就黎左呢間泰式餐廳食飯。好奇點解個個都拎住手搖飲品，原來餐廳出面做埋手搖飲品。叫左雞牛串燒，岩岩上到有小小熱，要睇住食，應該係即叫即燒，好野味香口！隔離仲有幾塊燒多士，食埋都幾飽肚。係青衣城果間成日食唔到龍蝦麵，今次係上水終於食到，好大隻，麵同米粉又多，個喇沙好香，又唔會辣龍蝦仲有膏添個炭燒豬扒同樣熱熱地送上黎，加埋脆口的蒜片配搭，香口，我鐘意個辣汁，食落唔會好辣，係港人接受到嘅辣度！再黎係個馬拉盞炒通菜，味道啱啱好，唔會好鹹，加埋蒜片食口感好好。最後，係椰汁千層糕，鐘意食斑蘭味嘅朋友記得叫埋呢個XD我朋友好鐘意！