川燒 (Closed)

突然間，好想食串燒，係朋友嘅推介之下，專程嚟到呢間喺柯士甸附近嘅串燒店。雖然店舖名有個川字，以為係比較中式風格，但原來入到舖頭之後覺得比較似日本嘅居酒屋。佢嘅餐牌選擇真係非常多。 整體來講，串燒嘅質素都幾好，唔會太重口味，食完唔會口渴口乾。《燒鮮白鱔》$68最鍾意嘅串燒之一，燒白鱔都幾厚身，咬落去多汁，同埋有魚味，唔會因為過多嘅醬汁而搶走咗個鮮味。《川辣酒煮東風螺》$68東風螺好入味，而且食唔到有沙，所以都新鮮，呢個唔係太辣，所以可以嗌。《燒腐皮黑松露海鮮卷》$42呢個唔係周圍都食到嘅串燒，本身都鍾意黑松露嘅，我覺得幾有新意，好香黑松露味，食落彈牙，唔錯。《燒日本豚肉腸拼盤》$48呢個腸仔比較幼身，但係燒得好似脆皮腸咁，好好味，咬落有汁！《黑松露芝士牛油焗金菇菜》$48食串燒一定要食金菇！除咗牛油之外，仲有黑松露同芝士，而芝士喺鋪喺最底，可以成塊整起佢黎食，好正，金菇綜合晒呢幾大精華，好好味。《日本蟹肉炒飯》$138聽聞呢度嘅炒飯都唔錯，所以試咗呢個蟹肉炒飯，份量都幾多，同埋每一啖都食到蟹肉，足粒，粒粒分明，推介。其實仲有好多串燒，不能盡錄，整體嚟講呢間串燒店質素真係唔錯，有機會會