海薈

Open Now

Now Closed

世事煩擾想同女朋友安靜咁拍下拖放鬆一下，選咗郵輪碼頭呢一到，因為呢度真係比較少人同偏僻 ; 我記得以前喺呢度都有幾間餐廳，而家好似 執剩兩三間，不過都好起碼安靜海薈其實係做婚宴， 可能因為個環境適合做wedding party， 所以選咗喺度開餐廳， 但係walk in食飯呢weekend先至開…而且最好預訂， 咁我想二人世界呢度當然就係一個最好嘅選擇餐廳只有幾個set，價錢唔係爭好遠， 坐低之後有問過有冇wine list， waitress嘅同我講有餐酒， 咁唔緊要啦要咗兩杯白酒我哋都鍾意飲； 我叫咗個龍蝦牛扒餐， 牛扒想要medium… 比較可惜係牛扒上枱嘅時候係一個well done， 件扒好有牛肉味，感覺就係件好有牛肉味嘅牛扒去煲完湯口感好差但係味道仲係好香濃~ 我想喊， 但係龍蝦就非常之新鮮鮮甜實淨~其實由沙律到餐湯餐後甜品嘅水準都非常之好， 就係畀件牛扒破壞咗今餐飯嘅心情， 至於餐飲佢係畀cream milk， 所以沖出來好濃香；食完飯我哋仲兩個人走去散下步拍下拖， 其實一切都幾好…可以俾多次機會…希望唔會再失望…