私家廚房 (Closed)

環境值得讚細細空間入到去無油煙感覺，就算兩，三個人想傾下因為有窗簾遮一遮都感覺有私人空間。員工幫客人換碟速度比酒店快利落，有微笑餸菜欖角蜜餞一字骨肉稔易入口，但食到最後有少少油但賣相差少少，痴左幾舊黑色物體，唔知係欖角以為lone左，哈哈辣酒煮花螺一擺上枱，已經嗅到好香好濃的酒味，即刻試左佢啖汁，飲起上來都少少重的酒味同甜甜地，辣味唔算勁。一盤大概有二十五隻大過五蚊銀的花螺，都算幾多份量，兩個人食都非常足夠，可能有特添。上湯浸蔬菜粉絲（員工拍板介紹）比手掌仲大的湯碗，以為得少撮，但其實份量有驚喜。可惜菜食落口油左d,否則青青地都幾好味。神秘贈送菠蘿冰船滿滿薄冰上有數塊菠蘿，夏天食呢個清爽，甜到入心。