高興 (Closed)

如果返工, 放工都要喺同一區食飯應該會好悶, 不過對於喺觀塘返工嘅我嚟講, 暫時就無呢個問題, 因為觀塘實在有太多工廈餐廳, 真係咩款式都有。呢間餐廳最好嘅就係無限時, 疫情底下餐廳因為收22:00嘅關係, 好多都會限時 90 分鐘, 如果想同朋友傾計根本無可能, 所以無限時呢個賣點對我真係好吸引! 🆙🆙🍴意式茄茸帆立貝意粉帆立貝有3粒, 粒粒都好厚肉, 煮得剛剛好, 所以食落好Juicy! 意粉汁充滿茄茸, 好清新, 唔會有食到膩嘅感覺。🍴日式淡咖哩牛肉漢堡溫泉蛋飯上碟時已覺得牛肉好乾身, 食落口都係乾爭爭嚡烚烚…溫泉蛋味道唔出, 有佢同無佢嘅分別不大。🍴黑松露醬粗薯條粗薯條脆口, 黑松露醬係分開點嘅, 亦都比較杰身, 食到後期會覺得太膩。🍴香蕉蜂蜜沙冰濃濃香蕉味, 因為加咗蜂蜜所以偏甜, 不過都好飲。整體食物唔算特別出色, 不過係一個傾計聚會嘅好地方。