雅樂吧 (Closed)

今日同幾位朋友小聚，由於朋友嚟自新界區同港島區，所以專登揀呢間近紅磡車站﹝位於新界同港島既中間﹞既酒店。呢度環境清幽，有好多梳化位，每枱既距離適中，好有私隱，可以放心傾計。雖然雞翼既外皮煎得比較燶，好似好乾咁，但其實內裏尚算嫩滑，十分惹味。檸檬芝士蛋糕味道清新，芝士味濃，酸酸地既檸檬中和咗芝士既肥漏感，配以脆脆既餅底，簡直係絶配。同朋友吹吓水，食吓美味既下午茶，不知不覺就過咗一個愉快既下午。