唐宮小聚 (荃新天地)

Open Now

Now Closed

今日五位朋友相約一起晚餐，由於限聚令仍然四人，所以有一位人要坐隔離枱。不過都好近。一入到去門面雖細，但原來間餐廳好大坐得好舒服。五個人叫咗好多嘢食，因為呢間餐廳嘅嘢食，係好食，不過相對份量都比較少。所以我哋決定帶多啲款，可以試唔同新野。極力推介皮蛋豆腐入口即溶，個醬汁好好食，基本上一個人都可以食晒成個。哈哈乳鴿又係好推介乳鴿好似$30一隻，但真係有質素，有肉汁，好好味。流沙包亦推介流沙包做緊優惠，一咬入口，汁流晒出嚟，熱辣辣香噴噴。仲有炒大蜆好似$138，蜆肉新鮮肥美，不過份量比較少。總體而言呢間餐廳食物質素非常好。但唯一美中不足就係，我哋幾杯嘢飲，由落單去到食完飯都未到。唔知係落漏單定係水吧太忙。