港畔餐廳

Open Now

Now Closed

上年11月頭，同幾個朋友食自助餐午餐，慶祝其中一位朋友生日。第二次去港畔餐廳，上次係平日食晚餐，食物種類多好多，今次係食假日午餐，食物種類係比較少，沒有清蒸龍蝦，吞拿魚腩，大大粒魚籽，不過有陽光直透餐廳，我好喜歡，光猛環境食得人都開朗。餐廳比較逼，放得太多坐位，拎海鮮同刺身嘅地方要排隊，其實排隊人數唔多，如果改下食物位置同埋食物之間嘅距離，相信可以避免到排隊。有我至愛嘅長腳蟹，新鮮唔太鹹，刺身有大粒帶子，不過職員係冇擺帶子出嚟，要問先比。有幾款壽司，澱粉質我冇食，熱食有蒸魚，切牛肉，咖哩，鐵板燒，切雞等等，水準合格，冇乜特別驚喜，所以都係食長腳蟹為主，甜品我冇食，種類都幾多，朋友冇失望。呢間自助餐係要早幾個星期預約，唔係食唔到。不過都係食過就算，短期內不會再來