喜記避風塘炒辣蟹 (謝斐道)

Open Now

Now Closed

有朋友係外國番黎，知道佢掛住中菜，就帶佐佢黎食蟹，一行6人叫個6人餐。呢個餐既招牌避風塘炒辣蟹係炒一隻大蟹，呢度既招牌菜呀！蟹真係好大，蟹肉好實好蟹，亦夠晒入味，辣辣地好惹味！😍呢度既招牌蟹油炒麵都好出色，一大碟上枱已經聞到好香，啲麵唔會好乾身，每啖都食到咸香味，有啲辣醬蟹膏銀芽一齊食，口感一流！🤪餐入面都有椒鹽大瀨尿蝦同椒鹽九肚魚，九肚魚係皮脆內軟，魚肉好嫩，好鮮味，瀨尿蝦亦都炸得好脆，但係啲肉都係好鮮甜，仲有啲炸蒜一齊食，真係好惹味，食到停唔到口呀！🤓而油鹽水浸蜆同蒜蓉粉絲蒸聖子皇都係餐入面，蜆肉好大粒亦都冇沙，用油鹽水去整，鹹鹹地更加鮮味，亦都有啲粉絲可以配搭住去食，另外嘅聖子真係好大隻，好鮮甜，好彈牙，同蒜蓉粉絲一齊食，濃味好食！😚呢個餐仲有薑蔥美國生蠔煲，同樣好食，一個好抵食既餐呀！