MOO Beef Cafe (Closed)

去將軍澳同朋友慶祝生日，諗左好耐都唔知食乜好，突然朋友話想食牛，一話食牛就即時諗起呢間，好好彩，唔駛等位，位同位中間有好寬既空間，坐得舒服之餘又夠靜，方便傾計。睇Menu睇左好耐，因為樣樣都好想試。我最後決定「澳洲厚切西冷」，朋友就揀左「火山石牛扒」，小食我地就揀左黑松露薯條同雞翼，餐前先有個南瓜湯，味道唔錯，又唔會太濃，先開開胃岩哂。先黎我個「澳洲厚切西冷」，啖啖肉，又夠肉汁，好味。朋友個「火山石牛扒」，熱辣辣出住煙咁拎埋黎，好好味呀，仲有3款汁配埋。個黑松露薯條好味同唔會凍左，有時真係好怕d薯條凍左好難食。雞翼都唔錯。最後嘆番2杯冰凍飲品，滿足～～