心煱 (Closed)

今日有個朋友生日我哋五人小隊嚟到位於太子 呢間開咗冇耐嘅心煱 一嚟到 大約7點左右 餐廳唔算多人 我哋冇book位 都即刻有位坐但係五個人坐四人枱 就有少少逼啦佢呢度食嘢係有四部曲嘅 一嚟就會有蒸生蠔 蠔好腥 而且好多泥 雖然每人一隻 但係都食唔曬 之後就會有每人四分一隻嘅乳鴿 上枱乳鴿脆卜卜而且好有肉味 第三部就係有呢度出名嘅芝士雞鍋 芝士味唔算太濃 而且雞肉就冇乜 最後就會係打邊爐 佢會有湯底畀你揀 嘢食種類就同出面一般任食嘅打邊爐差唔多 丸啦肉海鮮等等 但係呢度值得一讚嘅就係呢度嘅海鮮好新鮮 亦都好足料 特別推介有花姿片 同埋手切肥牛 肥牛一啲都唔會話好多肥肉夠曬健康 而且好林 是日精選係卜卜蜆好鮮甜 不過美中不足就係上菜時間太慢 食嘅嘢唔多 已經要埋單 有啲唔夠喉 埋單每人170都算值回票價