Sleepless (Closed)

咁岩去開港島區，朋友話想食呢間，於是就book黎試試，我地約17:00就到達，進店前職員好友善又會幫我地全身消毒才可入座，餐廳設計又靚好溫馨！而且又擺放pepe公仔，可以供人打卡一用😈😈😈食物方面，每一道餸我都覺好好食，但最欣賞係黑松露薯條同軟殼蟹牛油果意粉，因為薯條既醬汁同薯條好夾，意粉又夠濃味😋，而且每道餸都係即叫即整，所以等侯時間會耐少少。但份量不算好大份，我地要再點餐，但因為店舖要準備晚餐，店員溫馨提示我地會可能要再等耐少少，成件事好貼心啊☺️☺️☺️飲品方面，我地都叫左唔同飲品，每杯都具有特色同好飲，而且拉花好靚，唔捨得飲🤣🤣🤣甜品方面，本身想叫蘋果批，但賣曬，於是點左一份芝士蛋糕，賣相幾靚，但口感麻麻，感覺有點硬。