孖啡 (Closed)

E+好多餐廳都會有限時，想真真正正舒舒服服同朋友坐係餐廳慢慢傾計暢談食餐飯已經好難～不過呢到可以！員工唔會攪小動作催你走，由你慢慢坐，坐位又闊落，唔會同隔離枱好近。BBQ烤豬仔骨配薯條百幾數豬仔骨大大件超抵食，肉質唔韌好易咬，bbq醬調味岩岩好酸甜度適中。蒜香雞翼一份有六隻，香脆肉嫩好juice,岩岩炸起上枱熱辣辣好滋味，好岩一班朋友叫黎食。女祭師以塔羅命名既特飲，呢杯係玫瑰士多啤梨梳打，酸酸甜甜有氣好解渴。焦糖朱古力咖啡呢杯甜甜地好岩咖啡bb班朋友仔飲，唔會好濃咖啡味，朱古力味較重。藍莓乳酪酸甜度剛好，飲落好creamy