新麻蒲 BBQ (波斯富街) (Closed)

今日約左3個朋友見面，果然韓燒係一個好選擇，多人食又可以叫多幾款。一坐底，侍應已經拎左好多小菜放係枱面，有泡菜、海帶、豆芽、沙律，全部都係免費架，未燒前可以食住先，一陣又可以配埋燒肉食。餐牌真係有好多野揀，我地4個人，所以叫左個套餐同炒飯。套餐重有爐邊蛋送，真係好！呢個係韓燒必備，正！我地叫左燒肉達人套餐，雖然話係2人套餐，但份量都吾少，對胃口吾大既女仔黎講算足夠。入面包左9-10款肉，又有菇同脆玉瓜，所以我地就即刻揀左，人多可以試多幾款。今日重有個負責燒肉既朋友，真係好！牛色澤都幾均勻，肥脂同肉比率吾錯，吾會肥，食落又有口感。五花腩都吾會太肥，醃得又入味，朋友燒得岩岩好。五花腩用黎做生菜包就一流，可以加埋泡菜、豆芽，吾只淨係食肉，重有菜，好似健康d。我地重叫左火山芝士泡菜炒飯，上到枱熱辣辣，比我地自己撈。芝士味吾叫太濃，但撈埋後好有口感，幾香，都好食。最後叫左杯藍天檸檬汽水，有soda，食住燒肉飲，好fresh好清新。