東京大眾酒場 (Closed)

大角咀愈開愈多好野食，今日我地發掘到一間超抵又好食既和風美食任食😻  全日都係$178，配有日式主食、各式前菜、關東煮、海鮮、串燒任食👏🏻～飲酒既朋友記住加$90就可以任飲清酒🍶，飲兩杯都抵番😼  店內有日式裝修，天花掛住各式各樣既燈籠，柱位既畫作都好精緻🖼  辛味蒟蒻🤍蒟蒻上菜熱辣辣、好Q彈～上面有蔥花、芝麻粒、蒜泥、辣椒 佐酒一流👍🏻 壽喜燒 自己打邊爐，蔬菜種類繁多，配大約8片牛肉，若湯底更濃味更佳😽  關東煮🍢 點既食物都會一鍋咁上，關東煮個汁好清甜，食物都熱辣辣咁上😻  柚子梅酒 柚子味濃，偏甜易入口，適合女士 大眾酒場自家製梅酒 比柚子梅酒更甜更強酒味 宗政純米吟釀 店員拎一整支黎倒入自選既杯款～吟釀開頭較淡、酒味後來散發，甘口、出熱帶水果味～  燒胡椒柚子雞肉串 都幾辣下😹但好好食😋  仲有好多既小食唔逐一介紹啦，等待大家黎試試😺 我認為呢間餐廳好岩一班朋友黎吹水飲酒食野，環境舒服，食物選擇多，任飲酒❤️四位入座仲送一支清酒