藍象泰國餐廳 (Closed)

同朋友係尖沙咀行完街搵野食，我地都喜歡食泰國野，所以去左食藍象。入到餐廳坐低，有位侍應好快已經幫我地斟左杯檸水，太肚餓，我地好快咁落左單。 雞蝦春卷($52)，有2條春卷配自製甜酸醬。 魚露蝦乾炒椰菜苗($98)，蝦乾有蝦味，任何泰菜餐廳的泰式炒菜都好少有失手。大蝦炒金邊粉($158)，有隻好大的蝦舖係面，金邊粉除左用泰式醬炒，仲有菜莆。最後叫左馬沙文咖哩羊肉($238)，叫左個油鬆餅($38)點咖哩食。咖哩味好濃郁，羊肉好淋，油鬆餅點咖哩好食。 呢間餐廳行精緻路線，每個菜都細細份。賣單時侍應態度一般。