Helen’s

Open Now

Now Closed

同朋友喺尖沙咀食完晚飯，諗住搵個地方飲下野傾下計🤔 厚福街有好多食店，我地最後決定去呢間Helens!可能因為係平日，所以店內唔係太多人，唔需要等位就得。餐廳好大好闊落，坐得好舒服。裝潢就充滿泰國風味，加上播住流行嘅英文歌，氣氛唔錯，好適合同一班朋友黎聚會👍🏼餐廳提供各類型嘅酒精飲品: 啤酒，烈酒，cocktails等等，另外亦都有汽水同各款小食，選擇有好多！另外，每張枱都擺左骰盅，野飲未黎之前可以玩住等~我叫左杯Helen’s Thyme, 水果味重，但都飲得出酒嘅味道，唔算太甜，個人覺得幾易入口，幾適合女仔飲🤓我地都叫左幾種小食，用黎送酒就最岩啦！即叫即炸，外皮酥脆但啲肉依然好鮮嫩，唔會炸到過熟。好味！魷魚圈嘅份量都算多，口感彈牙爽口。薯條炸得香脆，好好味 睇嗰兩塊炸魚就知道份量好足，$68真係物超所值。整體而言，Helen’s 嘅環境幾舒服，而且氣氛好好，最重要嘅係價錢相宜，無論野飲定食物大多都一百蚊樓下，好抵！ 所以真係幾適合都朋友聚下飲野傾計嘅地方。