Video
Read full review
2024-09-19
285 views
最近天氣超焗熱，真係行兩步都出曬汗。約朋友都唔敢約D 太遠既餐廳，漁正係佐敦地鐵站隔離既居酒屋，非常方便之餘，人氣都好高，今日就book 左檯同幾個朋友黎聚下舊。首先點左個前菜龍蝦沙律，面頭有大量蟹籽，龍蝦肉有巨量而且好彈牙！底部有青瓜絲，撈埋一齊食感覺好清新，真係好開胃！北寄貝通常都係食熟既刺身，漁正竟然有提供新鮮活北寄貝刺身，即刻點左！北寄貝超級新鮮，食落少少爽口，越咬就越感受到具類既鮮甜味，最好食係佢粒帶子肉，口感彈牙鮮味十足，好正！味噌燒蠔大大隻而且好厚肉，因為左入左味噌去燒，燒蠔鮮嫩得黎仲多左一陣豆香味，層次幾豐富。師傅手勢唔錯，蠔肉入口爽滑鮮甜，正！清酒煮蜆上枱個陣仲熱辣辣，已經聞到好香既酒香味，蜆肉大大隻，無沙啖啖肉！新鮮肥美。燒牛小排都唔錯，牛小排係半肥瘦，燒到5成左右既熟度，仲見到好靚既粉紅色。而佢配送既醬汁似燒汁，配搭埋一齊食真係正！另外要講下鹽燒吞拿魚下顎，賣相唔係話特別靚但內容物絕對驚艷到我！本身燒到外皮脆香，但我地就唔知邊度落手好。店員主動過黎幫手切開面既厚皮，即刻有魚既香味湧出。第一次食吞拿魚依個部分，估唔到肉質甘嫩滑，仲要好有魚脂！而佢送既醬汁酸酸地又非常
首先點左個前菜龍蝦沙律，面頭有大量蟹籽，龍蝦肉有巨量而且好彈牙！底部有青瓜絲，撈埋一齊食感覺好清新，真係好開胃！
北寄貝通常都係食熟既刺身，漁正竟然有提供新鮮活北寄貝刺身，即刻點左！北寄貝超級新鮮，食落少少爽口，越咬就越感受到具類既鮮甜味，最好食係佢粒帶子肉，口感彈牙鮮味十足，好正！
味噌燒蠔大大隻而且好厚肉，因為左入左味噌去燒，燒蠔鮮嫩得黎仲多左一陣豆香味，層次幾豐富。師傅手勢唔錯，蠔肉入口爽滑鮮甜，正！
清酒煮蜆上枱個陣仲熱辣辣，已經聞到好香既酒香味，蜆肉大大隻，無沙啖啖肉！新鮮肥美。
燒牛小排都唔錯，牛小排係半肥瘦，燒到5成左右既熟度，仲見到好靚既粉紅色。而佢配送既醬汁似燒汁，配搭埋一齊食真係正！
另外要講下鹽燒吞拿魚下顎，賣相唔係話特別靚但內容物絕對驚艷到我！本身燒到外皮脆香，但我地就唔知邊度落手好。店員主動過黎幫手切開面既厚皮，即刻有魚既香味湧出。第一次食吞拿魚依個部分，估唔到肉質甘嫩滑，仲要好有魚脂！而佢送既醬汁酸酸地又非常解膩，好快已經清左依碟！推薦！
濃蝦湯烏冬真係好誇張！湯底係極濃郁既蝦湯，非常鮮甜！面頭更加加入櫻花蝦，令到個湯更加鮮香！而幼身烏冬煮到剛剛好，掛汁之餘仲好彈牙！
吃完之後大家決定再點少少串燒一邊吃一邊吹水。漁正既各款串燒都好出色，特別深刻既有荔枝豚肉卷串，用豚肉包住荔枝肉黎燒，肉香味配荔枝既清甜，真係估唔到味道會甘夾。汁燒帆立貝都好正，每串兩大隻而且燒到剛剛好充滿肉汁！雞軟骨爽脆，非常岩用黎送酒！一啖串燒一口啤酒，人生一大樂事呀！
整體黎講漁正係好有質素既居酒屋，但建議先訂座因為我食得無耐已經爆場。依加仲有openrice book 檯7折優惠，唔好錯過！
Post
