Video
Read full review
2019-05-04
49 views
今晚Happy Friday約咗朋友，想大家都就腳食飯嘅，就一定會揀旺角，因為都係大家嘅中心點，見到油麻地站附近有間新開嘅餐廳，就決定去試吓。餐牌有分套餐同埋散叫，我哋3個女仔睇左套餐好耐，但因為2、3人嘅套餐都係固定左嘅，最後淨係覺得其中有一人套餐墨汁燴飯幾唔錯，所以叫咗一個餐同埋散叫其他嘢～水牛城雞鎚呢個真心要推介，雖然唔係細細隻嘅雞鎚，但係成個菜式擺上台嘅時候已經覺得好靚，雞鎚炸左好香好味，啲汁都係水牛城feel，3個女仔一人一隻啱啱好～墨魚墨汁燴飯呢個主食真係唔錯，因為個飯煮得好香，啲汁又夠juicy，面頭都有足夠既海鮮，好快就俾我哋清晒～流心三層芝士漢堡呢個雖然唔係好食得出有流心嘅感覺，但係第一賣相都非常之靚，好啱女仔打卡哈哈，另外係佢嘅漢堡扒好岩我口味，唔會話重口味，亦都食得出有牛肉嘅味道，嗰邊都煎得好脆，所以呢個都係做得唔錯嘅菜式。雀巢薄餅呢個薄餅就ok la～如果帶出多啲黑松露既香味會好啲～藍蝶百香果梳打呢杯野飲要大推，外型係漸層超靚！重點係靚得來亦都好好飲，唔會太甜，又有果香味， Nice ！甜品我地叫左個窩夫，不過比起其他菜式，我覺得呢個窩夫就比較失色啦，因為個窩夫
餐牌有分套餐同埋散叫，我哋3個女仔睇左套餐好耐，但因為2、3人嘅套餐都係固定左嘅，最後淨係覺得其中有一人套餐墨汁燴飯幾唔錯，所以叫咗一個餐同埋散叫其他嘢～
水牛城雞鎚
呢個真心要推介，雖然唔係細細隻嘅雞鎚，但係成個菜式擺上台嘅時候已經覺得好靚，雞鎚炸左好香好味，啲汁都係水牛城feel，3個女仔一人一隻啱啱好～
墨魚墨汁燴飯
呢個主食真係唔錯，因為個飯煮得好香，啲汁又夠juicy，面頭都有足夠既海鮮，好快就俾我哋清晒～
流心三層芝士漢堡
呢個雖然唔係好食得出有流心嘅感覺，但係第一賣相都非常之靚，好啱女仔打卡哈哈，另外係佢嘅漢堡扒好岩我口味，唔會話重口味，亦都食得出有牛肉嘅味道，嗰邊都煎得好脆，所以呢個都係做得唔錯嘅菜式。
雀巢薄餅
呢個薄餅就ok la～如果帶出多啲黑松露既香味會好啲～
藍蝶百香果梳打
呢杯野飲要大推，外型係漸層超靚！重點係靚得來亦都好好飲，唔會太甜，又有果香味， Nice ！
甜品我地叫左個窩夫，不過比起其他菜式，我覺得呢個窩夫就比較失色啦，因為個窩夫炸得有啲過左～雪糕都可以再好啲～
不過overall我地都食得好開心同滿意～順帶一提，呢度嘅環境我覺得幾好，因為好多四人枱，岩同朋友傾計，亦都有啲係吧枱咁樣，可以望到外面嘅鬧市景色，我覺得個室內設計都好盡用到個空間，勁～
Post
