第三站 (Closed)

試過好幾間旺角樓上cafe，見到station3都幾多好評，就同朋友上去坐下。地方都幾大，舒服，適合一大班人食下野，玩下，唔錯。晚餐選擇有幾個，我就嗌左煙三文魚野菌忌廉燴意粉，質素尚可，但三文魚份量都算多。黑松露帶子鮮菌燴意大利飯，以為帶子大大粒粒，點知咁細粒，米粒的大小都比平時食開既細粒，味道方面比三文魚意粉出色既，起碼無咁濟，黑松露都香既。蒜香雞翼，聞就好香，食落就過可，不過即昭叫即整，上碟仲熱辣辣的。黑松露薯條係最好食的，而且沒想到佢既份量會係咁多！黑松露都不計成本咁落左好多，每條薯條都可以痴到d黑松露一齊食。