全聚德烤鴨店 (Closed)

一班朋友相約食飯，訂咗呢度！因為已經食厭廣東式套餐！轉下口味！今次食片皮鴨！去到比咗一張靠牆大枱！都係中式酒樓格局！略為殘舊！部長問咗我們人齊就開始上菜！冷盤拼盤--海蜇、叉燒、五香牛𦟌，幾樣都幾好食！片皮鴨--由師傅片皮！拼成一朵花！用蒸籠蒸好麵皮！包住鴨肉、大蒜、青瓜同甜醬一齊食！鴨肉唔乾，配埋其他配料食！good!宮保蝦球--炸蝦球配宮保汁！辣辣地！肥髀都食到！炸漿唔厚！外脆內軟！good!炸蝦球--呢個無個辣汁！相比之下失色少少！松子魚--酸酸甜甜配炸魚肉！魚肉炸得唔老！又無散！good!砂鍋雲吞雞--雲吞鮮味皮薄！雞湯濃厚！唔會過咸！另外將雞肉拆肉上碟！肥髀一個食咗半碟！正！上湯津白--自己本身唔鍾意食對津白！食咗兩條都ok!雞絲米線--好淡，無乜味！米線好碎！雞肉嚡！唔好食！素菜包--餡料係菇同菜絲，唔多但好咸！唔好味！紅豆椰汁榚--凍食！椰汁榚無乜椰子味！紅豆面又無乜味！普通！服務唔錯！侍應勤快！換碟加水都有禮！部長仲送多碟紅豆椰汁榚比我們！成餐飯食得盡興！