Kitchen M (Closed)

同朋友行街街，週圍搵地方食飯，經過K11就入去搵食，睇緊衫時忽然見到有間餐廳，門口都幾難搵到，見仲有枱於是就決定試呢間。因為我哋無訂枱所以要坐室外，好彩唔太熱，但有陣廚房油塵味，全餐飯就食聞住油塵食。至於食物，我哋無叫SET，叫咗頭盤海鮮餅，一個帶子意粉同牛扒。海鮮餅唔清楚有咩海鮮，味道一般唔難食但又唔算突出。帶子意大利粉份量好少同得一粒帶子，雖然都幾大粒但好似唔抵食。牛扒成數過晒同有啲鞋，感覺唔好。整體而言俾我印象麻麻，環境食物都係好普通。