龍悅 (Closed)

今日公司收早，約咗朋友食飯，朋友提議去呢間龍悅食，一入去見到得幾枱有人，心諗會唔會有伏🤭坐低感覺唔錯，枱與枱之間嘅距離好夠，坐得幾舒服，叫餸時侍應推介呢款香辣豬手，原來而家做緊promt，送一支大樽裝藍妹，我哋都食得辣，所以叫咗碟嚟試吓，食落竟然有驚喜，上枱見到份量好大碟，豬手軟冧適中，好夠味。另外兩碟都唔錯，帶子蝦球，食得出啲蝦同帶子係新鮮嘅，咬落爽脆鮮甜，切雞拼燒腩仔，雞正常水準，不過不失，反而個燒腩仔就正，皮脆肉嫩，三條友一陣就掃清😂埋單茶芥加一另外叫咗兩碟白飯$465，真心覺得唔錯，下次會再嚟幫襯。