熱記大排檔

Open Now

Now Closed

今日朋友心情唔好，要飲酒啤一啤，行吓行吓去到熱記，入到去都好多人，坐左2人枱開始點餸，黎到熱記必叫的餸蜜椒鱔球～入口甜蜜蜜，爽口好味，必食鵝片拼盤～拼盤都算豐富份量多，鵝片，墨魚，紅腸，豬耳，豬腸，豆腐,可惜個鹵水汁唔得，如果個鹵水汁加多少少花椒，八角去煮個鹵水汁會較好，浪費左個大拼盤。薑蔥桶蠔煲～好似有6粒，都好食同大隻，夠味道，用沙煲上。椒鹽鮮魷～鮮魷夠新鮮，外層個皮唔厚粉，脆身，唔係間間做椒鹽鮮魷都好食，呢間做得唔錯。如果大家想食大排檔，呢間服務都唔錯,價錢正常，又多選擇。