Fauchon Paris Le Café (Closed)

今晚同朋友到沙田見到唯一一間無人等位兼新開餐廳，重要有買一送一，不過初望餐牌時，只見買一送一既主菜得好少選擇，價錢偏貴，如果唔係買一送一，一定唔會試。最後我地選擇左一份肉眼扒，一份羊架，先講肉眼，叫左7成熟，結果差唔多全熟，d肉鞋澀澀兼無味，但個賓尼士汁就ok,所以唯有靠汁去食，勁無耐。另一份羊扒又勁乾身，同樣全熟兼鞋澀澀，重要無乜汁，都唔知食緊乜！扒x之皇還好過佢，唔通買一送一就係咁既質素？無人等位確有原因。咁還算其次，最離譜係有男服務員態度極差，好似不願service 客人咁，有隔離枱2位女士叫2客意粉，男服務員竟然表演出不滿態度。唔講以為自己去左茶餐廳。食餐飯食到咁，真係勁唔開心，無下次。