Video
Read full review
2020-07-02
1136 views
揀左間比較就腳既扒房，冇book檯，walk-in等左一個鐘，不斷有2人位可以入，但就冇6人位，而最後等到嗰陣，都只係俾到2人位，同4人卡位，要分開坐。同行朋友最先叫餐，但期間只有沙律餐湯同薯條到左，佢懷疑漏單，追問侍應，得到既回覆係整緊，後來佢隔離兩檯既人遲過佢黎但都已經有扒餐上檯，佢懷疑係侍應將上錯左俾隔離檯，再追問，餐廳承認有甩漏話俾個折黎，但咁既時候無論得到既回覆係咩已經唔重要，服務真係好甩漏，又餓又嬲爆都人之常情，所以必須首先寫低。再睇到劣評都有唔少人提及服務唔好，奉勸大家睇重服務既就唔好揀呢間啦。再黎薯條任食都唔好咁認真，我地4個人首先黎左4兜，係有少許餘溫既，再5分鐘上嗰2兜就啱啱炸嘅，但都係一樣，老麥薯條都好食過佢，薯條好乾但唔脆，加上d鹽唔使錢咁，好鹹，食完之後我地再試個番茄湯竟然係覺得個紅湯淡，唔夠味。後來再飲落去就發覺越黎越濃味，先知道係薯條嘅錯。沙律落左油醋汁，會好酸，唔食慣可能會覺得普通芝麻汁仲好。牛扒就3款都有叫到，最易咬開既係prime級平鐵牛扒，按餐廳推薦叫左medium rare，食落都叫做ok既，但隔離pat薯蓉會吸引d囉，又香又滑。而其他兩款都冇呢
同行朋友最先叫餐，但期間只有沙律餐湯同薯條到左，佢懷疑漏單，追問侍應，得到既回覆係整緊，後來佢隔離兩檯既人遲過佢黎但都已經有扒餐上檯，佢懷疑係侍應將上錯左俾隔離檯，再追問，餐廳承認有甩漏話俾個折黎，但咁既時候無論得到既回覆係咩已經唔重要，服務真係好甩漏，又餓又嬲爆都人之常情，所以必須首先寫低。再睇到劣評都有唔少人提及服務唔好，奉勸大家睇重服務既就唔好揀呢間啦。
再黎薯條任食都唔好咁認真，我地4個人首先黎左4兜，係有少許餘溫既，再5分鐘上嗰2兜就啱啱炸嘅，但都係一樣，老麥薯條都好食過佢，薯條好乾但唔脆，加上d鹽唔使錢咁，好鹹，食完之後我地再試個番茄湯竟然係覺得個紅湯淡，唔夠味。後來再飲落去就發覺越黎越濃味，先知道係薯條嘅錯。
沙律落左油醋汁，會好酸，唔食慣可能會覺得普通芝麻汁仲好。
牛扒就3款都有叫到，最易咬開既係prime級平鐵牛扒，按餐廳推薦叫左medium rare，食落都叫做ok既，但隔離pat薯蓉會吸引d囉，又香又滑。而其他兩款都冇呢隻牛扒好食，韌d同冇咁重牛味。
貪新鮮叫左嘢飲，有dirty lemonade 同really dirty lemonade ，dirty就冇酒精，另外一杯有少許酒精，但都一樣咁酸，最後都飲唔曬。
總結，湯同沙律普通，飲品，薯條同服務唔掂，牛扒可以一試。
$150
21 views
0 likes
0 comments
$268
24 views
0 likes
0 comments
左really dirty lemonade 右 dirty lemonade
31 views
0 likes
0 comments
Post
