越一越南牛肉粉專門店 (Closed)

首先我係見到出邊啲圖片覺得入邊啲食物唔錯，然後發現入邊啲食物完全同圖片係兩回事，真係個人認為全港最差嘅越南菜嘅餐廳，入邊金色馬尾頭髮嘅服務員態度超級麻麻，另外一位覺得冇乜嘢，我入咗去大概10分鐘都有啦，而餐廳入面剩係得幾台客人，等咗10分鐘都未有水送來，於是叫服務員送來兩杯水點知發現水入邊極度唔衛生唔乾淨仲有啲污糟野喺入邊，然後嗌咗一份燒春雞和豬扒撈檬仲有一份海南雞，海南雞冇乜嘢，反而份豬扒撈檬同埋份燒春雞令我十分之不滿意，豬扒啲毛仲多過我啲頭髮，份燒春雞仲老過我阿嫲，真係垃圾中嘅垃圾，以後不會再光顧，特別係食份豬扒嘅時候啲毛刮到我喉嚨，你唔講我仲以為你幫緊我喉嚨做緊massage。