最掂燒味 (Closed)

午膳時間去簡單食個飯，個飯就正常既，但服務差。我叫左個牛腱雙併飯 $50，併左個燒腩；埋單睇番單先發現收左我 $57。問個店員點解收多 $7，佢話因為係併燒腩仔，要收多 $7。奈何我搵哂成張餐牌都無一個位係咁寫。就算先不論有無寫係餐牌度，單叫牛腱飯先 $44 定 $46，俾多十幾蚊先併多個餸已經唔合理啦。店員話下次會寫番係餐牌度，我問佢「咁你唔下次先收番 $7 ?」居然厚顏到無視我個問題，繼續話要收多 $7。$7 唔係問題，係間餐廳既處理手法好有問題，條氣唔順。識話下次先寫番，又唔見話錢都下次先收番。長沙灣咁多間餐廳選，唔會再去呢間野。