最掂燒味 (Closed)

入門口見到個環境算係乾淨，唔會好似一般燒味舖咁，成地都油咁，鬼死咁冼；而且啲裝修都有啲特色，唔會老老套套咁樣，所以都坐得好自在好舒服。以前從來無聽過乜嘢叫「腩叉」，原來即係用豬腩用嚟燒叉燒。入口係好爽嘅，有啲似食豬頸肉嘅口感，爽得嚟好香嘅叉燒香味。最重要係，佢上枱嗰時，仲係熱辣辣，唔會好似放咗係度好耐凍冰冰咁。仲有佢個花膠碗仔翅，唔係杰撻撻咁，但係落到好足料，可以連醋同胡椒都唔駛落都咁好食，真係好有驚喜。唔會見到一大舊花膠係碗仔翅入面，因為啲花膠切咗做細細粒，我都幾喜歡咁樣，唔駛擘到個口鬼死咁大先食到，又唔駛點「趙」，方便我呢啲懶鬼。

叫咗個四寶飯，有個好有禮貌嘅叔叔叫我試吓個碗仔翅，兩樣加埋成為$ 94， 價錢在長沙灣區不算便宜！但坐得舒服！（碗仔翅雖然細細碗但係好好味）飯到了，想多一點姜戎，竟然有個人跑出來大大聲聲又冇禮貌說我們不夠夥計，你下次要咩一次過攞！ 當時廚房加樓面有五個人，全個場只有兩個客人，我都唔明點會唔夠夥計！今時今日咁嘅服務態度真係唔會再幫襯！食到背脊骨落！直情想起身走人！呢間野幾好食以後都唔會食，何況佢啲燒味真係好普通，叉燒又乾到不得了！PS. 以前來過很多次，老闆好好人，而家可能比夥計搞到亂晒籠！

間餐廳都幾是正乾淨， 雖然望落去好似只係一間普通食燒味嘅舖頭， 我嗰日晏晝嗌咗個燒腩仔飯， 加兩條菜仔同埋有碗湯送， 但唔好講笑嗰啲燒腩仔真係好好好好好食， 好耐冇試過一啲煮得咁脆皮嘅燒腩仔， 下面嗰啲肉又唔會太過瘦太過硬， 肥瘦適中， 最重要係成個飯同埋啲燒腩仔嘅溫度都係熱辣辣， 唔似有啲餐廳送上嚟嗰啲嘢已經凍曬。正！！！

7點半左右去買外賣，員工非常無禮貌，一入去就聽到廚房同樓面講好多單，好唔得閒！廚房竟然同我講唔落單住。眼見唔多人，外賣等既人又唔多，唔通老闆唔係度就推單？我等左一陣，最後樓面問係度等咩......😅唉！落單後我發現取單的號碼同剛叫取外賣的號碼只是 4 張單之差，何來的好多單唔俾落單呢？呢個市道竟然可以用這種的服務態度待客，我實在覺得不可理喻！我又唔係叫腩叉，俾舊叉燒我肥到根本唔可以食到，要求多汁又無多汁，價錢又唔算平，又受氣又食唔到！俾錢食飯仲要受氣，絕不再幫襯！

晚飯時間想食燒味，間鋪一個人都冇，當時八點四十五分，入面連待應都冇，燈同電視開住，只有門口左邊燒味廚窗內有廚房師傅洗緊嘢，禮貌問下，請問係咪仲開緊門？個師傅好晦氣講得燒肉叉燒腩仔架咋下！明白師傅唔係老憑要有禮，咁咪事旦坐低lor, 臨坐低一刻聽住佢「都痴X既，唔係開緊係做咩！」當時背住佢既我地即刻望下佢，立刻決定唔食！我來諗住食晚餐唔係來受氣！一定唔會來，幾好食都假，何況唔覺得佢啲嘢好出色！生意難做，事在人為

我order左燒鵝燒肉飯 首先佢d燒鵝就完全唔脆皮不突止 仲要勁淋 無色水 5舊有3舊係無皮既 佢話呢個係腿 係咁架喇我都唔知呢個係梅子醬燒鵝 定梅子醬蒸鵝 又淺色 又淋 我同老細講 佢話係咁架喇 最多補多2舊俾我 我食完餐飯 都無左回事😔😔😔我覺得如果有心做客人生意 服務唔應該咁樣囉 再講 d飯仲要勁淋 好似落左勁多水去煮咁 我阿婆甩晒牙都未洗食咁淋喇 我黎食飯唔係食粥呀 燒味粥咩 燒肉就還可以 一般般無乜特別 成個燒味飯70蚊 我絕對唔會再幫襯

平日晚上嚟食，人流唔算多。兩個人嗌咗兩個單拼飯，份量適中叉燒飯：⭐️⭐️/5係鋪頭招牌，但叉燒認真麻麻地，個人偏好食硬少少嘅叉燒，但舊叉燒唔軟唔硬，口感麻麻（香港大學cym個叉燒仲好味啲💫😂）柱汁貴妃雞飯：⭐️⭐️⭐️/5隻雞幾好味，只係柱汁有少少怪，不過值得一試

我是看到在Instagram的廣告後，才找到這家燒味餐廳。這家餐廳離地鐵站有大約10分鐘路程，但是是值得走這麼遠來吃的！他們這家餐廳的叉燒都有分兩款，當天我夜晚七時賽道，腩叉已經賣完。選了至尊叉燒興燒腩仔，都沒有失望！

例湯近乎凍，燒味更加唔駛提，食過一次無回頭，咩叫最掂，不如改返普通名字，最掂這兩個字令人對你地有過高期望，講真燒味質素，真係好過街市啲貨色啲啲，又或者唔好用名聲效應，做返一間並通嘅燒味茶餐廳還可以。

聽朋友同阿哥介紹，下午茶，我揀左最掂燒味。都冇令我失望，仲有啲驚喜。我揀左雙拼燒味飯，叉燒同切雞。佢地仲送左碗湯俾我飲，碗湯仲要係正野。我仲加左個$9生菜食，飲熱檸蜜，總共$48，我覺得計埋質素，真係物超所值。叉燒切雞飯有人話，燒味飯就好似一場賭博，因為你唔會知你抽中咩位置。今日，我諗我贏左。因為叉燒都幾靚仔，仲要抽到雞脾。份量十足，下午茶黎講，係好大碗，唔係淨係飯多，連燒味嘅份量都唔少。今次可能未試到佢哋嘅懷舊叉燒腩，但普通叉燒黎講，都算above average，相片就睇得出，叉燒唔瘦，帶有少量脂肪，但又未到半肥瘦，已算唔錯。雞脾就正常地好味，多肉又夠滑。健康素湯好好飲，冇味精又夠料，有白蘿蔔，紅蘿蔔，龍眼，個有其他，總共十樣，只係我唔知講唔晒。淨係碗湯我都想encore。總結：未必係最掂，但都夠掂，碗湯真材實料。雖然我俾好評，個感覺未到咁多好評。

啲人成日話食燒鵝去深井啦，宜家除咗去深井，食燒鵝梗係要去長沙灣新式燒臘餐廳-最掂燒味啦！呢間餐廳榮獲2017年馬家開飯推薦燒臘餐廳之一，之前有個朋友知道我鍾意食燒鵝，叫我過嚟試下。餐廳裝修有別於一般傳統燒味店，裝修富有中國色彩，門面已經用咗紅色，好sharp醒，離遠已經見到。店面乾淨又整齊。咁多款燒味都唔知揀邊款，如果大家想試多幾款唔同款式，其實可以揀例牌嘅個皇牌燒味雙拼又或者皇牌最掂燒味三式拼盤，當然如果想抵食啲都可以揀碟頭飯餐，可以點個豪華版燒寶飯，試到燒鵝、懷舊腩叉、燒腩仔同埋豉油雞，實行一次過滿足4個願望。不過，我只係鍾情於食燒鵝，所以揀左個燒鵝例牌，下庄比上庄只係多$20咋，識食嘅梗係揀下庄啦，燒鵝皮脆肉嫩，雖然係下庄，但唔會話過肥，再點埋秘製燒鵝汁真係一絕呀，好食到唔停得口！食叉燒一定要食半肥瘦，於是朋友點咗碟懷舊肥腩叉飯，肥瘦適中，叉燒燒得好香，蜜汁味又足夠，聽老闆講佢哋嘅叉燒係選取優質脢頭，用新鮮木瓜蓉醃製，而且唔會用鬆肉粉，完全用木瓜去天然發酵，所以肉質會特別鬆軟，果真如此！！跟餐仲送埋例湯，佢哋嘅湯係十全十美嘅健康素湯，雖然係素，但係唔會話好淡，材料充足，味道甜甜哋

星期六下午行完深水埗，落大雨又揸住車嘅關係， 要快啲搵地方食晚飯， 因為順路所以就到了長沙灣的最掂燒味， 我已經食過幾次了， 有試過買燒味返公司吃， 真心覺得這裏的燒味唔錯，所以決定寫下感想。 因為我好鍾意食這裏啲燒味， 所以今次我點了燒鵝叉燒雙拼$135， 鮑汁冬菇生菜$38， 果醬甜酸齋$20， 白飯一碗＆12， 飲品有熱檸水和熱奶茶$16。燒鵝叉燒雙拼 ～ 之前食過已經知道這裏的燒鵝醬汁特別香濃， 因為是店家自製的烤醬， 燒鵝的皮外脆有光澤，入口有香濃的 肉汁溢出，肥瘦適中，鵝香味極之濃郁。叉燒 ～ 我點了半肥瘦， 叉燒的物質味香甜 肉嫩， 喜歡吃叉燒的朋友一定要試下！果醬甜酸齋 ～ 我很喜歡吃酸齋， 平時都會 買返屋企送飯， 這裏的酸齋最特別之處是顏色方面比較自然， 沒有平時見到的鮮紅色酸齋， 感覺太多染色素了。 味道方面甜甜酸酸調教得剛剛好。鮑汁冬菇生菜 ～ 冬菇大大粒有咬口， 生菜新鮮好味。醃菜 ～ 跟燒味會送一碟細細的醃菜， 有白蘿蔔，紅蘿蔔和青瓜。 入口酸甜，夠曬開胃。每次到最掂燒味幫襯都沒有令我失望，無論堂食或者外賣都做得唔錯，這裏的店員也親切友善， 是一間有質素的燒

呢間燒味在《馬家開飯》被介紹過，而在節目推出前，我已經大愛呢間店！親民眉價錢，高質既享受！年廿九，外賣左一斤燒腩仔，一睇就知是皮脆！！！而且肉唔會太肥，咬落又唔會太鹹，所有野都配合得恰到好處🥰🥰🥰🥰🥰超超超超超超好食！叉燒亦是推介之選，好入味！！👍🏻👍🏻👍🏻👍🏻👍🏻肥瘦有偏好既可以同店員講，佢會盡量安排俾你！店員超友善，值得一讚！燒鵝都好出色，皮好脆，有獨特既薰味，配埋秘製既梅子醬，真係比深井果d出色太多！望相都見到佢既光澤！正呀！😋😋😋😋自從食過民間，都唔想再去其他燒味店了！

當日自己放工，覺得想對自己好啲於是選擇這間餐廳。他們的四寶飯非常馳名。我於是去試下。首先他們的叉燒， 精選優質梅頭，而且採用新鮮木瓜蓉醃製，而木瓜天然的酵素，竟然能帶出肉質的鮮味及鬆軟。他們的叉燒也是我近幾年吃過最好食。而我同侍應生講一定要瘦叉燒，這是由於我要求比較高，叉燒沒有一嚿肥肉。另外他們的燒鵝非常美味，他們的燒鵝保留燒鵝的原味及肉汁，火喉十足。燒肉嘅皮很脆。比去深井食更好食。環境唔錯地段一流，殷勤服務的招呼，令我覺得有少少賓至如歸。裏面地方唔係太大但係對我這個要求高嘅人嚟講已經好滿足。😊

我今日點左呢一個燒味拼盤咁就係至尊梅子醬燒鵝三色拼盤三色就係剛才燒鵝啦燒腩仔啦同埋叉燒我覺得試燒味呢三樣都好能夠試到佢最最最真實的一面啦所以就點了這個拼盤我想講係佢來到黃昏這個時間燒腩仔仍然係"堅脆"的跟住呢個叉燒其實佢係我鍾意食偏瘦少少但又唔好好似柴皮咁樣有少少燶邊就一流啦跟住呢個就係個燒鵝啦你見到佢的肉夠實淨鵝皮亦好薄的你見到師傅細心位呢呢個燒鵝皮咁薄又沒有太多肥膏對於我來講是滿心歡喜的當然有些朋友食燒鵝要食肥的其實師傅出菜前呢係有處理過的佢(師傅)係會幫你批/削左肥膏我認為呢件係一件窩心的事