Video
Read full review
2019-11-17
406 views
今日星期日同阿媽去屋企附近搵野食，原本想去陳師父食點心，點知太多人，轉左去附近既功夫點心，阿媽話見旺角果間成日好多人排隊可能好好味，所以想試，ok，咁就試下。2人去要等3張台先到，咁就等啦，等左10分鐘左右，埋位，點左6樣點心。1.蝦餃，係好味既都好新鮮，質素唔差！2.牛肉腸粉，質素一樣唔錯！新鮮！呢兩樣點心等左10分鐘度，食左2樣野仲有4樣未黎，阿姐走黎執隔離張空台，佢地一路執一路講，佢地都食得差不多啦！就埋單啦，我心諗唔係講我地呀可？佢真係走黎問我地係咪到齊喇d野，埋單喇可？嘩，我即刻講緊係未，岩岩先坐低，你地岩岩黎左2樣野咋喎，咁快吹我地埋單？洗唔洗趕到咁？阿姐冇出聲走開左。上埋第3、4、5樣點心。3.燒賣，新鮮，質素幾好！4.黑椒金錢肚，新鮮好味5.流沙奶黃包，質素好高，流沙超好味，又大隻！上緊第5樣時阿姐又發功，叫我地轉後面張台，我地話唔係呀嘛？轉咩鬼野台呀？食得好地地轉黎轉去，咁鬼麻煩，阿姐拎左隔離張空台去後面，唔搞我地，轉搞後面果兩個阿伯同阿婆，要人地拎住拐杖過第二張台！原來係做4人台生意，想做多台生意都唔洗係咁趕人走又轉黎轉去，擺明趕客。食完5樣點心，第6樣點心已等左半
2人去要等3張台先到，咁就等啦，等左10分鐘左右，埋位，點左6樣點心。
1.蝦餃，係好味既都好新鮮，質素唔差！
2.牛肉腸粉，質素一樣唔錯！新鮮！
呢兩樣點心等左10分鐘度，食左2樣野仲有4樣未黎，阿姐走黎執隔離張空台，佢地一路執一路講，佢地都食得差不多啦！就埋單啦，我心諗唔係講我地呀可？佢真係走黎問我地係咪到齊喇d野，埋單喇可？嘩，我即刻講緊係未，岩岩先坐低，你地岩岩黎左2樣野咋喎，咁快吹我地埋單？洗唔洗趕到咁？阿姐冇出聲走開左。
上埋第3、4、5樣點心。
3.燒賣，新鮮，質素幾好！
4.黑椒金錢肚，新鮮好味
5.流沙奶黃包，質素好高，流沙超好味，又大隻！
上緊第5樣時阿姐又發功，叫我地轉後面張台，我地話唔係呀嘛？轉咩鬼野台呀？食得好地地轉黎轉去，咁鬼麻煩，阿姐拎左隔離張空台去後面，唔搞我地，轉搞後面果兩個阿伯同阿婆，要人地拎住拐杖過第二張台！原來係做4人台生意，想做多台生意都唔洗係咁趕人走又轉黎轉去，擺明趕客。
食完5樣點心，第6樣點心已等左半小時到，所以問阿姐，阿姐又問我地係咪埋單？真係好反感，我話唔係呀，呢樣點心煎糯米雞等左半個鐘未到呀，又埋單！成日吹人埋單，點心都未齊！佢話去睇睇，番黎話原來廚房冇落單！叫我地取消佢！ok，即係又趕我地走啦！去到埋單收銀時，真係頂唔順了，爆左收銀一獲，洗唔洗半小時吹人埋單3次呀？咁趕客以後唔洗再黎。
總括，食物質素係幾好既，係好新鮮既，不過員工態度太差，真係好趕客好反感！
第一次寫食評，估唔到係因為反感而寫🙈
Post