滾得棧

Open Now

Now Closed

十二月十六日星期五晚上七點，去完工展會，見倒火鍋店就上去睇吓有冇位，女服務員話要八點半交枱，我哋只係兩個人所以冇問題。叫咗普通元茜鍋底，一碟大牛肉，脆骨腩，四寶丸，約六樣嘢，可能我哋叫得少嘢。當問嗰個女服務員有乜嘢飲，佢話有汽水，啤酒，竹蔗水之類，但問有冇樽裝水，個女服務員話冇，敢我哋叫佢開壺滾水嗰陣，可能因為唔叫其他飲料，佢黑晒面嬲爆爆敢走咗，之後都冇拎水嚟，最後我哋叫咗另一個男服務員開咗壺水，終於有嘢飲，而最後八點半前離座。我唔否認佢哋啲食物係幾好食幾新鮮，牛有肉味，脆骨腩非常好食，但有嗰個敢嘅服務態度嘅服務員，簡直就係趕客走，下次請我免費食我都唔會去，怕受氣。希望火鍋店老闆認真對待依件睇落簡單嘅事，因為絕對影響你哋個品牌。