太興 (綠楊坊)

Open Now

Now Closed

閒日大概10:30鬆啲，一個人去呢一間位於荃灣地鐵站附近綠楊坊嘅太興食早餐 。入去之前望一望見到裏面都有五六張嘅空枱，喺門口同阿姐講一位諗住好快就可以有位 。點知個阿姐搞咗一大輪，求其指咗一個位叫我去坐 。我見到眼前有張空枱所以就行埋去坐低咗。坐低完佢9秒9衝過嚟，原來佢叫我行後幾步去另外一張枱同人搭枱。我就同阿姐講附近有好多張空枱喎，可唔可以俾我自己坐呢張，如果一陣間有人嚟嘅話我再讓番個位呀 。然後阿姐就話咗我一輪，話就算我一個人坐呢張枱佢都要即刻搵塊板擋住我前面。我問佢可唔可以等有人嚟先放塊板，因為其實而家都真係有好多張空枱。說時遲那時快又有兩三張枱嘅人埋單。然後佢就話「你唔好理，我哋係咁」。真係唔係好理解我自己一個人坐一張枱對佢有咩影響 ，我都係想一個人靜靜地食個早餐啫 。