茶木‧台式休閒餐廳 (青衣城1)

Open Now

Now Closed

1636落單下午茶餐 兩個雪糕心太軟 一個芋圓糖水1640下午茶餐包嘅嘢飲到咗164x嚟咗個糖水1656個職員先講話心太軟賣晒叫我哋轉另一樣嘢正常都係落單之後開始整，我當你慢慢執食材啦，1640點都開始整啦掛。你1656先同我講賣晒？咁請問之前嗰15-20分鐘喺度做乜？唔通一直喺度搵有冇心太軟？有冇諗過其實浪費咗客人好多時間，咁樣等一等原本唔趕時間都比你搞到趕時間。白白坐咗喺度15分鐘呆等，職員係咪覺得睇客人好似白痴咁等一啲冇嘅嘢好好玩？等咗咁耐已經冇催你哋，理解心太軟係要做一段時間，要等，但係喺我問返點解咁遲先講話冇嘅時候，係冇比到一個答案我，就咁笑下就算。無論係廚房定係樓面嘅侍應嘅處理方法同態度都好有問題，希望可以改善，並且唔會再嚟幫襯。