茶木‧台式休閒餐廳 (青衣城1)

Open Now

Now Closed

很久沒去茶木放工去獨食結果 ⋯ 驚為天人點咗三杯雞套餐雞有胡椒味yes～ 我點三杯雞食到胡椒味totally unexpected對三杯雞有全新體驗隨餐跟飲品點咗凍頂烏龍茶係茶色嘅水呀～最睇唔開係仲加咗個甜品珍珠奶茶雪糕什麼窩夫3啖投降珍珠無味、雪糕勉強叫有啲啲味個窩夫裝飾品一樣成餐飯除咗一位高級嘅男職員外其他送餐嘅職員rapper咁唔知佢講乜再唔係就「依單嘢唔關我事」一樣送嘢嚟就係送嘢嚟、第二個動作免問真心替嗰位高級男職員慘辛苦晒

平日來茶木食 lunch, 可能因為放暑假，一過左12：30 就要等位排隊入座😂好多小朋友來食，原來宜家做緊promote, 8蚊有珍珠奶茶! 難怪差吾多每枱都有一杯！講返食物先，見到餐牌又吾同左，以前有3小碟餐，宜家無左變左2小碟。。不過價錢有少少吾同⭐️紅蔥地瓜燉牛筋腩我覺得d地瓜真係勁難食。。。一d都吾熱吾淋。。。仲脆架。。。真心吾好選呢款。。中曬伏🥲牛腩正常，但吾夠淋。。牛筋就真係吾見有。。 成個餐咬得好辛苦🫠

今年3月去完迪士尼又未食晚餐，就走去青衣城睇睇有無好嘢食。落到去下層本來想食拉麵，企門口無人理，於是向相反方向走左去呢間茶木。本身無太大期望。大約八點，人少少，比左沙發位我一位坐！跟住見到有香菜煎鱸魚手作麵，可以揀飲酸梅冰，都只係$77（已經連加一）！（香菜這裡即指芫茜）非常吸引，於是落單。先有酸梅冰解渴，唔錯！夠大杯，係凍酸梅湯加冰既味道然後等左一陣，就上埋碟芫茜煎鱸魚手作麵，絕對色香味具俱全！鱸魚皮脆肉juicy，有好多芫茜，與麵同啲豆非常混和配合，好滿足！睇埋相！呢個價錢超值得。比起我第二次食九龍灣嗰間茶木點同一個餐新鮮好食好多…可惜宜家已經從餐牌上消失！如果呢款芫茜手作麵可以納入全線恆常餐牌，相信一定可以吸引到我再幫襯！

中午有套餐, 但平均價錢都是有點略貴。今次叫了古早牛頰肉配新竹米加了杯沙冰飲品。正常牛頰肉的肉質遍佈透明的筋絡，肉質富有彈性與膠質，燉煮後的口感比牛腱軟嫩許多，沒有粗硬的纖維，也不會感到肥膩。但茶木的古早牛頰肉明顯只是一般牛腱。透明的筋絡位很少, 膠質部分偏小，肉質偏鞋口。湯底正常發揮。可能食品名稱標榜是牛頰肉, 所以相對上對牛肉會有些期望。應該改回紅燒牛肉麵會比較貼切。小總結❤️❤️📌牛頰肉肉質偏鞋口📌CP值低

今日一行16人去咗青衣城午餐竟然唔使等位，可以直入叫咗一個豬軟骨米粉肉碎冬菇撈麵加咗個台灣炸雞梗係要叫返幾杯台灣飲品啦－杯珍珠奶茶紅豆薏米水仲有柑橘蜜最後用一個士多啤梨雪糕多士作結大滿足

今天一試茶木的台式邊爐，我選擇了蕃茄湯底配牛肉，以及粉絲作主食，上菜的蕃茄湯底味道很好，以新鮮熬製的蕃茄整成，不過只用蕃茄汁而整成。牛肉整到好似玫瑰花一樣，份量都好多，而且唔似出邊用啲豪宅嘅牛，食落去都好好味，入面有一粒牛丸，一粒醬爆丸，一些豆卜、娃娃菜、蕃茄，食材不算多，但配上主食就夠飽😋亦配上一杯免費飲品，整體嚟講這個鍋$78算抵食，但值得一提，萵筍菜試試用火滾下滾下，但火鍋快食，中間亦要要求侍應點解一次，有些麻煩😇

我們於11/2（日）18:15到達餐廳，餐廳只有一個侍應在門口幫人埋單，之後愈來愈多人埋單，並沒有其他侍應幫忙招呼客人，令人覺得服務質素未如理想。5分鐘後，有一個侍應拿外賣出來，我們問是否可以入座，她說隨便座，令人更感覺沒有任何良好服務態度。另外，雖然可以「隨便」選位，但大部份桌面也沒有收拾。用QR code下單，單點比晚餐set抵。❶紅蔥醬燒豬軟骨麵（$84）：面份量挺多，肉也挺一大塊，有少許味精❷松露野菌奶油培根手作麵（$90）：松露味不突出，麵的份量不多❸香煎三文魚時蔬藜麥飯（$92）：有黑胡椒味，三文魚挺大一塊，有一些菇類❹追加仙草芋圓豆花（+$26）：偏細碗，有2粒芋圓，有豆花，涼粉。侍應完全沒有服務，遞菜的時候也沒有講一聲菜名，客人吃完收東西時也沒有說一聲，年初二收服務費15%，感覺不值

企係买单𠴱處嘅靚仔非常抵贊！睇到佢周圍忙，店長來嘅？一入到去就已經俾人好親切友善嘅感覺 之後落咗單想調位佢有啲為難但最尾都係幫手換咗並好快手執枱。幫襯咗茶木超過七年 之前有遇到過極冇禮貌嘅侍應令到我好耐唔想入去再受氣。今日又俾翻好感！以後都會多啲幫襯

📍茶木‧台式休閒餐廳 (青衣城1) (青衣)青衣青敬路31-33號青衣城1地下G07-G09號舖==============================青衣城間茶木都開左一段時間，今日同朋友gathering就約係呢到食野試吓好唔好食～==============================1️⃣紅燒半筋半腩牛肚麵🐮湯底好濃牛味，牛筋同牛腩都好軟淋2️⃣培根樹子炒椰菜花配白飯🥬椰菜花無草青味但保持到爽脆，雖然佢有落辣椒，但一d都唔辣ge～3️⃣香煎三文魚湯漬飯🐟呢個湯漬飯賣相非常精緻，湯汁係類似堅魚湯ge味道，配埋d紫菜米通同蝦米口感好豐富，海鮮味好濃郁😋

本身排隊個陣見到個著黑衫類似管理層都串串供，排到我個陣佢問我幾位 我同佢講5位 之後佢輕挑兼嘲諷咁講“我得張4人枱姐 坐迫啲好無” 咁我見反正有個細路咪照要 （但正常如果係5個大人你要佢地迫啲係咩玩法？ 仲要你張枱唔係大）（純粹個人覺得佢態度有問題） 之後入度去坐低左 除左一開始比三杯水（係 見到5個人但係比3杯水）同送菜之外 完全見唔到侍應係樓面 上黎啲餐點全部都無餐具 想要叫侍應比餐具又一個都搵唔到 最後自己自助拎餐具 係手機叫左個豆花 已經督左即製即上 成餐飯食完都可以未上到 出個豆花有無咁耐？ 想叫侍應追又係一個人都無 唯有自己出去同收銀追 （無錯 全場淨係得個收銀 仲要咁啱有人埋單我先見到佢出黎） 返埋位個陣經過出餐位 原來啲侍應係晒裡面 一個同廚師吹水 一個將啲餐放上放落搵野做咁（總知就係唔想出去）一個係後面個櫃一直摷一直摷 唔知佢想摷到幾時 好啦 追完碗豆花即有 咁你出得咁快點解要人追先出？我一早係手機落單個陣督左即製即上 唔係應該整完就出？ 枱又永遠無人執 張枱已經夠細 我家姐一早食完 但係無人收野 之後啲餐一直上 個侍應係無意識要順便收埋野 淨係識出餐 我都唔明佢地點

近幾年茶木嘅嘢食種類選擇多咗而且覺得唔同舖頭嘅裝修都靚咗同印象中一開始嚟香港嘅感覺唔同最近屋企人見到金鑽鳳梨系列即刻就俾佢吸引咗入去試吓青衣城呢間茶木環境幾舒服乾淨嘢食質素都尚算合格金鑽鳳梨豬仔脾肉質幾嫩口但真係甜得滯除咗菠蘿味仲有蜜糖鍾意食甜嘢嘅應該會幾鍾意茶木因為普遍所有嘢都有陣甜味麻辣半筋半肉嘅牛肉係肥牛嚟同舊鴨血一樣唔麻辣同埋有少少甜三杯雞睇落份量多但其實冇乜肉配嘅羹麵同手工拌麵味道麻麻地最重要嘅係我又覺得佢少少甜跟餐仲有兩個甜品同飲品覺得個水果菜幾好飲冇另外加糖總括嚟講味道雖然唔係特別好但以一個大商場嘅晚餐嚟講份量夠飽又冇限時都算幾抵食

🍓🍓🍓🍓🍓🌟草莓香草蜜糖磚塊 $83我諗呢款都唔洗我多講啦 去親茶木都要食😋士多啤梨雪糕同cream下面好多吐司磚塊😋📍茶木‧台式休閒餐廳青衣青敬路33號青衣城地下G07-G09號舖

首先，食物方面尚好，同普通茶木差唔多，但服務同埋態度極度惡劣😅令人髮指我叫左一個黑糖珍珠鮮奶瀑布，額外加一份珍珠，結果同隔離朋友嗰杯珍珠直頭一模一樣，完全睇唔出係加左一份珍珠…我問職員，佢話加左，但係有眼都睇得出無加，我話點解好似無加咁，職員裝聾作啞😅😅😅唯有算數然後甜品方面，我已經寫明後上，喺程式到點後上甜品，點知我食食下正餐，無啦啦一個甜品劈上我張抬，然後不屑地離開，我真係呆左…..第一次見甜品後上但係咩都無講就同我上曬😅😅😅😅😅總之，唔太理解職員精神狀態，青衣分店自求多福

間唔中都會去茶木食吓嘢自從佢出咗個麻辣牛筋撈麵配鴨血之後我返唔到轉頭麵質煙靭配上麻辣汁簡直一流我諗兩份麵我麵食得落牛筋又入哂咪同炆到好夠淋感受到滿滿嘅骨膠原鴨血都好出色

1636落單下午茶餐 兩個雪糕心太軟 一個芋圓糖水1640下午茶餐包嘅嘢飲到咗164x嚟咗個糖水1656個職員先講話心太軟賣晒叫我哋轉另一樣嘢正常都係落單之後開始整，我當你慢慢執食材啦，1640點都開始整啦掛。你1656先同我講賣晒？咁請問之前嗰15-20分鐘喺度做乜？唔通一直喺度搵有冇心太軟？有冇諗過其實浪費咗客人好多時間，咁樣等一等原本唔趕時間都比你搞到趕時間。白白坐咗喺度15分鐘呆等，職員係咪覺得睇客人好似白痴咁等一啲冇嘅嘢好好玩？等咗咁耐已經冇催你哋，理解心太軟係要做一段時間，要等，但係喺我問返點解咁遲先講話冇嘅時候，係冇比到一個答案我，就咁笑下就算。無論係廚房定係樓面嘅侍應嘅處理方法同態度都好有問題，希望可以改善，並且唔會再嚟幫襯。